- I fleire år har vi blitt kontakta av folk som vil ha gruppa CC Cowboys til Maritim Sommarfestival i Fosnavåg. Festivalkomiteen håpar på allsang på Allmenningskaia i Fosnavåg når songar som den nydelege duetten ”Bare du” eller fantastiske ”Tigergutt” strøymar ut frå høgtalarane laurdag 16. juni, skriv arrangøren i ei pressemelding.
Det er over 20 år sidan CC Cowboys debuterte med og vann Spellemannsprisen for plata ”Blodsbrødre”, og i fjor kom den kritikerroste plata ”Inriss”. Sidan har CC Cowboys oppnådd ei rekke utmerkelsar, gull- og platinatrofeer, tusenvis av spelejobbar og hatt ei imponerande rekke hits.
Frå før av er Atle Pettersen, som kom på andreplass i TV2-programmet X-faktor i 2010 og på førsteplass i Skal Vi Danse, klar for festivalen.
Maritim Sommarfestival vert arrangert i Fosnavåg frå 14.-17. juni. Atle Pettersen spelar den 14. medan CC Cowboys går på scena laurdag den 16. juni.