Tysdag kveld, 2. juni, kjem fotograf og fotobok-forfattar Magnar Fjørtoft til Ulstein bibliotek for å halde foredrag for alle interesserte som vil verte ein betre fotograf eller berre få litt inspirasjon
Foredraget er ledd i ein fototurné i regi av Fylkesbiblioteket og Hareid, Herøy og Sande har allereie hatt besøk av Magnar Fjørtoft. No står Ulstein for tur.
- Fotografi vil vere i fokus denne veka og vi vil ha ei lita fotoutstilling, fortel biblioteksjef Ann-Mari Harkjerr.
Guru
Magnar Fjørtoft kan ein kalle ein guru innan foto her i fylket og han er ein mykje nytta foredragshaldar i fotoklubbar rundt om. No kan dei som vil få gode tips frå denne fotoentusiasten. Anten du er nybegynnar eller ein meir erfaren fotograf kan du denne kvelden plukke opp mange gode tips.
Magnar Fjørtoft har gitt ut boka ”Digital fotografi i praksis”. Boka vert rekna som den beste norske boka innan feltet.
Ei stor og god samling fotobøker følgjer turneen. Her er fotolærebøker og fotobøker til inspirasjon. Dette er bøker som oftast er dyre i innkjøp, så her vert det ein god muligheit til å låne med seg flotte bøker heim.
Arrangementet er gratis og ope for alle interesserte. Det heile vil vare i ca to timar.