Alle kulturskulekommunane i landet har sendt inn kandidatar til juryeringa. Stipendvinnarane er uttekne mellom 500 kandidatar.
Rektor ved Hareid musikk- og kulturskule Torgeir Hauge, fortel at dette er første gongen at Hareid har fått ein stipendvinnar på dei 8 åra dette tiltaket har vore.
- Eg har hatt Olav som elev i 10 år no - og kan stadfeste at han er “langt komen” som pianist. Han hår nådd så langt både fordi han har talent og fordi han er ein perfeksjonist. Han jobbar og jobbar med detaljane heilt til dei sit 100 prosent. - Eg har knapt møtt nokon med ein slik øvingskapasitet - og sjølvsagt ligg talentet i botnen.
Til sommaren er Olav “flygeklar” og gir seg i den kommunale musikkskulen, men etter det vi forstår er han innstilt på ei vidare utdanning innan musikk.
Vi tipsar elles om at Olav Egge Brandal skal spele piano i Operahuset på Nordfjordeid komande fredag. Sjå side 8.
Tilsaman seks ungdomar frå Møre og Romsdal har vorte kåra til “drømmestipend” i år. Dei er:
Hareid: Olav Egge Brandal, musikk
Kristiansund: Gina Ranheim Bjerkan, teater
Molde: Else Gjerding, skapande skriving
Rindal: Lone Lorgen, musikk
Ålesund: Anna Skorpen, dans
Ålesund: Amalie Sofie Jensen, teater