Lyrikaren Olav H.Hauge sa det so fint:
Katten
sit i tunet
når du kjem.
Snakk litt med katten.
Det er han som er varast i garden.
Når eg kjem heim, er det ofte Svartpus eg møtar fyrst. Eg tek sjølsagt ein god prat med han.
Ulstein SV vil vere ei røyst for deg som er varast i garden dei neste 4 åra.
Vi lovar å vere ei røyst for deg som ikkje ropar høgast.
Vi lovar å vere ei røyst for deg som slit med dårleg råd.
Vi lovar å vere ei røyst for deg som har det tungt, fysisk eller psykisk.
Vi lovar å vere ei røyst for fleire hender i omsorg.
Vi lovar å vere ei røyst for dei dyktige lærarane våre og elevane deira.
Vi lovar å vere ei røyst for næringslivet vårt.
Vi lovar å vere ei røyst for matjorda og bøndene våre.
Vi lovar å vere ei røyst for deg som er varast i garden.
Dette har eg lovt Svartpus, og dette lovar eg deg!
Godt val!