Jets til internasjonale journalistar på Ulstein Expo:

Verdspremiere på neste generasjons vakuumpumpe

Jets Vacuum AS skal eigentleg lansere neste generasjons vakuumpumpe på SMM i Hamburg, men forretningsutviklar Jan Tore Leikanger gav dei tilreisande journalistane ein smakebit på kva som kjem.

Jan Tore Leikanger, forretningsutviklar i Jets Vacuum AS, viste fram verksemda si heilt nye vakuumpumpe. 

Næringsliv

Tysdag var fleire journalistar frå internasjonale mediehus samla til internasjonalt pressetreff på Ulstein Expo. Dette som eit ledd i The 2018 Maritime Press Tour, som har vore ein årviss "happening" dei siste åra. Her reiser eit knippe journalistar frå internasjonale publikasjonar innan det maritime miljøet rundt på Sunnmøre, og ein av stasjonane dei var innom i år var Ulstein Group og Ulstein Verft.

I auditoriet presenterte dagens hovudrolle Ulstein Group seg først ved visekonsernsjef Tore Ulstein, før eit knippe av underleverandørane fortalde om sine verksemder.