Lensmann i Ulstein og Hareid, Hans-Eirik Pettersen, fortel til Vikebladet Vestposten at politiet er på saka. Fredag morgon hadde politiet to møte kring den alvorlege hendinga og delinga av ein video frå det som skjedde.
Vikebladet Vestposten har fått tilsendt videoen, som blei filma gjennom Snapchat, ein mobilapplikasjon for deling av foto og video.
Opptaket viser at ei jente går til åtak på og bankar opp ei anna jente i fellesarealet i andre etasjen på Blåhuset i Ulsteinvik. Fleire uroa vaksne og ungdommar har tipsa Vikebladet Vestposten om at denne videoen no har spreidd seg mellom ungdommar på Søre Sunnmøre.
- Ei veldig alvorleg valdshending
Vikebladet Vestposten erfarer at jenta som blei slått ned skal ha blitt innlagt på sjukehus med kjevebrot som følgje av hendinga.
Sendte overvakingsvideo til politiet
Hendinga blei også fanga av overvakingskamera på Blåhuset. Sentersekretær Kathrine Gåsvik Ulstein fortel at overvakingsvideoen er sendt over til poltiet.
- Dette er sjølvsagt ei alvorleg hending, men no tek politiet saka vidare, seier Gåsvik Ulstein til Vikebladet Vestposten.