(NPK-NTB): Landbruksdirektoratet trur mange bønder vil sitte igjen med dårlege avlingar etter dei lange periodane utan betydeleg regn.
– På landsbasis anslår vi å betale ut 200 millionar kroner for avlingssvikt. For å samanlikne ligg gjennomsnittet mellom 35 og 40 millionar kroner i året, seier Gunn Eide, seksjonssjef for landbruk- og naturskadeerstatning i direktoratet.
Landbruket har ei erstatningsordning for avlingsskade som gir rett til å få dekt inntil 70 prosent av normalavlinga.
– Slik det ser ut no kan vi forvente erstatningssøknader frå rundt 3.000 bønder på landsbasis, men eg må understreke at det er stor uvisse i talet, seier Eide.