Statens vegvesen byggjer nytt kollektivpunkt, rundkøyring og gang- og sykkelveg på oppdrag frå Møre og Romsdal fylkeskommune.
Entreprenøren K.A. Aurstad AS har fått oppdraget og starta arbeida 18. november.
– Naboar og trafikantar vil merke støyen og anleggstrafikken, men vi skal gjere det vi kan for at ulempene vert så små som mogleg, seier byggeleiar Andreas Bergby i Statens vegvesen.
Han oppmodar folk til å vise merksemd for skilt og anleggstrafikk slik at ein unngår farlege situasjonar.
Slik vil folk merke arbeida
- Anleggstrafikk i heile byggeperioden
- Sprenging vil gje støy i desember og januar. Sprenging vert varsla med sirene: Korte signalstøyt før sprenging, lang sirene når sprenginga er gjennomført.
- Køyremønsteret vil bli endra fleire gonger i løpet av byggeperioden. Fram mot mars neste år går trafikken på eksisterande veg.