Etter planen skulle Fosnavåg bli besøkshamn under "Tall Ships Race" i sommar, der Ålesund er ei av hovudhamnene.
Men det blir ingen lokal seglskutefest.
Avisa Vestlandsnytt skriv at søknaden om å få Fosnavåg med som ei av "Cruise in company"-hamnene aldri vart send. Dette på grunn av dårleg kommunikasjon, mellom anna internt i kommunale einingar i Herøy.
- Vi var nøydde til å sette tidsfristar med tanke på programmet som skulle trykkast, men det var det visst ingen i Herøy som fekk med seg, seier Albert E. Gjørtz, prosjektleiar for Tall ship-arrangementet i Ålesund, til Vestlandsnytt.
Fosnavåg var tiltenkt ei rolle som besøkshamn i samband med "cruise in company"-delen. Ein tilhøyrande seglas utan konkurranse, der skutene har god tid til å besøke utvalde hamner.