Etter ein fantastisk skjærtorsdag, rann også langfredag opp med nydeleg påskevêr. Inn mot sjølve påskehelga, påskeaftan og påskedag, ser det diverre litt gråare ut.
Vêrtenesta YR melder for langfredag skiftande bris, skiftande skydekke og stort sett pent vêr. Laurdag vert det auking til nordaust frisk bris på kysten og det skal også vere utrygt for litt sludd på Sunnmøre laurdagsmorgonen. Søndag dreiar vinden til nordleg bris og det vert skya eller delvis skya. Vi kan også vente oss enkelte sludd- eller snøbyger.