– Vi takkar hjarteleg!

2022 er straks historie, og også dette året har vi i Vikebladet Vestposten gjort vårt beste for å dokumentere kvardag og høgtid, sorg og glede, opp- og nedturar i Hareid og Ulstein.

Bak frå venstre: Ingvild Aursøy Måseide, Linda Eikrem, Ole-Ottar K. Høgstavoll, Stine Moltu og Rose Mari D. Bjørnerem. Framme frå v.: Andreas Bjerknes og Jorulf Myrene. Videojournalist i SøreTV, Lisa Bendal, var ikkje til stades.

For første gong på mange år har det i år vore endringar i staben i lokalavisa. Kristin Linge slutta i sommar, etter å ha vore marknadskonsulent her i sju år. Ho vart erstatta av Stine Moltu frå Fosnavåg, som no jobbar som medierådgjevar både for Vestlandsnytt og Vikebladet Vestposten.

I år sette vi også i gang ei heilt ny satsing, saman med Vestlandsnytt og Møre-Nytt. I august starta Lisa Bendal, også ho frå Fosnavåg, i jobben som videojournalist i SøreTV. Det ho lagar kan du sjå på vikebladet.no og på nettsidene til dei to andre avisene.

Vi som arbeider i Vikebladet Vestposten ønskjer lesarar og annonsørar ei fin jul. Vi takkar hjarteleg for samarbeidet som gjer det mogleg å drive lokalavisa. Håper de vil vere med oss også inn i 2023!