Mange utan lærlingplass

I Møre og Romsdal står heile 215 søkjarar utan lærlingplass og ventelistene er lange, skriv NRK Møre og Romsdal.

Nedgangstider i den maritime næringa fører til at reiarlaga ikkje kan ta inn like mange lærlingar som tidlegare, og til NRK seier Torunn Lied Giske ved Opplæringskontoret for Maritime fag i Ålesund at det er langt færre lærlingkontrakter i år enn på lenge.

I år har dei berre 87 kontrakter på tre fag, mot 168 året før.

Ifølgje NRK er Island Offshore i Ulsteinvik eit av reiarlaga som merkar godt til nedgangstidene, men dei tek likevel inn 20 nye lærlingar.

- Dagens kapteinar og maskinsjefar skal ut i pensjon etter kvart, og då må vi ha nye kvalifiserte personar til å erstatte dei, seier assisterande mannskapssjef Anne Mundal Aarskog i Island Offshore til NRK Møre og Romsdal.