Det er Herøy og Sande Jeger- og Fiskeforeining som står bak arrangementet ved Djupvikvatnet på måndag.
Vil gje informasjon
Presseansvarleg i eininga Arild Kirkenes fortel at kvelden er godt eigna for amatørar som enno ikkje har så brei kunnskap med flugefiske.
– Her får folk moglegheit til å sjå og prøve ut flugefiskeutstyr. Samstundes vil vi gje informasjon og folk kan stille spørsmål om dei har det, fortel Kirkenes.
Dei skal også demonstrere ulike produkt som er aktuelle i dagens marknad.
Storstilt besøk
I tillegg til dette kan deltakarane få informasjon og rettleiing frå proffiskaren Helge Vetås som også kjem til flugefiskekvelden ved Djupvikvatnet.
Vetås har 40 års erfaring med flugefiske. Saman med verksemda 2Instincts har han som føremål å drive innovasjon til å setje ein ny standard innan flugefiskeindustrien. Både når det gjeld kvalitet og design. Frå 2Instincts tek han med seg ekspertise frå og av flugefiskarar.
Film på Leikongeidet
Etter demonstreringa og den praktiske informasjonen inviterer Helge Vetås og Herøy og Sande Jeger- og Fiskeforeining til filmvising på Løkemyra på Leikongeidet.
Kirkenes minner om at store og små er velkomen til å delta å lære meir om flugefiske.