– Me kan ikkje stoppe opp sjølv om oljeprisen går litt ned, seier Stian Lehmann Scheide og Steven P. Karunasamy i Ulstein Høgre.
Stian Lehmann Scheide og Steven P. Karunasamy, leiar og nestleiar i Ulstein Høgre, står fast på at Ulstein kommune treng Arena Ulstein. Dei er ikkje redde for om kommunen vil klare utgiftene. Industrien og økonomien i Europa går i bølgjedalar, om det går ned nokre år no, vil det gå opp igjen. Å investere i Arena Ulstein er å tenkje langsiktig, dette er eit bygg som innbyggjarane treng, meiner dei. Ved å byggje Arena Ulstein frigjer kommunen husleige og andre driftsmidlar i andre bygg, som idrettsbygget og Bjørndals Minne. – Driftskostnadene for Arena Ulstein er alt teke med i budsjettet, seier Karunasamy.
