Hadde det ikkje vore for pappa Bertil, hadde ikkje ein av Norges store stjerneskot på songhimmelen vore der han er i dag.
Bror Magnus Tødenes og pappa Bertil tok seg ein liten prat med lokalavisa i timane før Bror Magnus sin fyrste konsert i Ulstein kyrkje på mange år. Det er heilt tydeleg at Bertil har vore ein viktig faktor i livet til Bror Magnus. Konserten i Ulstein kyrkje var ein av fleire på Sunnmøre i førjulstida, og Bror Magnus song også i Larsnes kyrkje, der mange frå familien på Larsnes møtte fram. – Det er godt å vere heime. Her får eg synge for dei som kjenner meg aller best, seier Bror Magnus Tødenes.
Foto: Ole-Ottar Høgstavoll.