I juli tok eigedomsmarknaden seg ei lita sommarpause, med klart lågare aktivitet enn i månaden før. I august fekk ein derimot ein solid oppsving.
Frå 61 tinglysingar i juli er ein nemleg oppe i 80 for august i Hareid, Ulstein, Herøy og Sande.
I Ulstein vart det registret 24 tinglysingar i løpet av august, mot 21 i juli. Sande hadde ein ørliten nedgang, frå ni til åtte, medan Herøy gjekk fram frå 23 til 30 tinglysingar i august.
Det var likevel Hareid som hadde den største framgangen. Frå åtte omsette eigedomar i løpet av juli gjekk talet på tinglysingar til vêrs i august og hamna på 18 i løpet av den seinaste månaden.
I kartet i toppen av saka kan du sjå alle eigedomane som skifta eigar i løpet av juni i dei fire kommunane.
Forklaring til kartet: Kvar sirkel viser kor mange eigedomar som er selt i eit område. Klikk på sirkelen for ei meir detaljert visning. Du kan også klikke deg inn på kvar einskild eigedom for å få historikk. Du kan velje å nytte ei kartvisning eller du kan sjå flyfoto over området ved å trykke på firkanten på høgresida i toppen av biletet.