I kveld skal valnemnda i Ulstein kommune ha møte og finne namn på folk til skattetakstnemnd og klagenemnd.
På tampen av fjoråret vedtok Ulstein kommunestyre å innføre eigedomsskatt på faste eigedomar, unnateke verk og bruk og annan næringseigedom. Ved innføring av denne skatten skal valnemnda leggje fram forslag til skattetakstnemnd og klagenemnd.
Valnemnda skal også leggje fram vilkår for arbeidet til nemndene.
Framlegget frå valnemnda skal leggjast fram for kommunestyret som gjer endeleg vedtak i denne saka.
