Sol, sol, sol og ikkje ein einaste dråpe nedbør. Det ser ut til å vere melodien for Hareidlandet den komande veka. Slik ser det i det minste ut på langtidsvarselet frå Yr.no.
Det er venta ein austleg vêrtype i heile perioden og då blir det oftast ikkje særleg med nedbør på våre kantar.
Men i tillegg til at vêret ser bra ut, så skal også temperaturane halde seg temmeleg høge, med opptil 17 plussgrader midt på dag. Meteorologane ser også ut til å meine at vi slepp unna nattefrosten den næraste tida.