Ulstein kommune melder at dei nyleg har delt ut Norges Vel-medaljen til Knut Jens Ertesvåg.
Det var varaordførar Knut Erik Engh som stod for overrekkinga i samband med kommunen sin personalfest på Sjøborg kulturhus.
Kommunen skriv på heimesida si:
- Medaljen står for lang og tru teneste, og vart stifta av Det Kongelige Selskap for Norges Vel i 1888. Norges Vel er ei påskjøning til særleg fortente arbeidstakarar med minst 30 års tilsetjing hjå same arbeidsgjevar.
Knut Jens Ertesvåg underviser ved Ulstein ungdomsskule.