– Hareid blir aldri det same

Det møtte opp tjukt med folk til den offisielle opninga av Grim&Gryt Økobryggeri på Hareid. Både ordførar Anders Riise og fylkesvaraordførar Gunn Berit Gjerde heldt tale og overrekte blomar. Hasund og Dimnøy Ungdomsmusikkorps spelte fleire nummer.

Andreas Grimstad og Øyvind Grimstad Gryt sjølve var stilig kledde i sunnmørsbunad.

For å opne bryggeriet "skikkeleg" fekk Gjerde knuse ei ølflaske mot ein kontainar. Men det var lettare sagt enn gjort. Flaske måtte drylast i kontainaren fire gonger før det gjekk. – Hareid blir aldri det same etter dette, uttalte Gjerde.

Riise sa at han gler seg til å kjøpe varene deira i lokale butikkar.

Både Gjerde og Riise rosa karane for at dei startar opp med ølproduksjon på Hareid, og at dei gjer det økologisk.