Hødd har neppe råd til å forsterke stallen i særleg grad:

– Har eit godt grunnlag

Hødd bør ha inn ein ny keeper, men André Nevstad tvilar på at det blir store endringar i Hødd-troppen før hausten.

I god posisjon: Hødd har spelt seg til ein bra posisjon i 2.-divisjon avdeling 2. Sindre Eid meiner Hødd må ha inn ein keeper og kanskje også ein forsvarar før haustsesongen, men sportssjef André Nevstad kan ikkje love forsterkingar utan vidare. Foto: Per Werkland.  Foto: Per Werkland

Sport

– Vi har gjort ein del brukbare prestasjonar, det er det ikkje tvil om. Toppnivået er bra og sjølv om prestasjonane kan svinge litt frå kamp til kamp, så har det vore temmeleg solid, meiner Hødd sin sportssjef André Nevstad om laget sin vårsesong.

Dei blåkvite er eitt av fire lag som kjempar heilt i toppen av 2.-divisjon avdeling 2, med eitt poeng opp til topplaget Skeid.