Stemninga stod i taket på Sjøborg

Sport

Det var samla godt med folk på Sjøborg for å sjå EM-finalen i 400 meter hekk i fellesskap på storskjerm. Dimna IL stod bak arrangementet og Trond Berg ønskte forsamlinga velkomen. Og "dresskoden" for dei fleste denne kvelden var klubbskjorta til Dimna IL.

Berg kunne overbringe helsingar frå Berlin. Både Kristine Haddal (mora til Karsten) og Olav Hansen hadde sendt helsingar heim til Ulsteinvik. Før løpet melde Berg at han hadde tru på at dei skulle få ei triveleg stund i lag, uansett korleis det kom til å gå. - Han Karsten skal springe, det er inge automatikk i dette, han skal over ti hekkar, minna Berg om.