Sjå også: Resultat frå innleiande spel
Sjå også: Resultat frå sluttspelet
TV2 plukka ut Sotra SK 1 - Hødd som TV-kamp i 1/8-finalen for gutar 14 år i A-sluttspelet i Norway Cup i dag. Kampen gjekk klokka 15:10 på TV2 Sport og Sumo.
Sjølv om Hødd opna best, tok etterkvart Sotra over. Spesielt i andre omgang var trykket mot Hødd-målet stort. Men ingen av laga klarte å scora og kampen gjekk difor til ekstraomgangar med goalden goal.
På slutten av siste ekstraomgang drog Hødd-spiss Zakarie Ushey seg fri foran Sotra-målet, men keeper redda og kampen måtte bli avgjort på myntkast. Og det var altså her Norway-Cup-eventyret slutt for Hødd-laget, då mynten landa med Sotra-sida opp.
Dette Hødd-laget vart suverene gruppevinnarar innleiingsvis etter 3 sigrar og 12-1 i målskilnad. I sluttspelet har dei slått ut Vålerenga 2 i 1/32-finalen etter ein 2-0-siger, medan dei spelte uavgjort mot Nordstrand 1 og tok seg vidare på myntkast.