- Eg er altfor uegoistisk. Eg må prøve å bli meir ego og skyte oftare sjølv, seier ørstingen.
Like før pause vart han spelt gjennom åleine mot TUIL-keeperen. Men i staden for å skyte sjølv valde han ei pasning mot Joachim Magnussen - som ikkje nådde fram.
Filming
Det var ikkje den første duellen mellom Standal og Eirik Sørensen denne kampen. Etter sju minutt fekk Hødd-spissen gult kort i eit forsøk på å passere TUIL-keeperen. Eller?
- Var det for filming, Espen?
- Ja, eg fekk det gule kortet for filming. Kanskje var det filming. Men han var borti meg. Så det var ein slags refleks at eg gjekk i bakken. Derfor synest eg det var strengt med gult kort. Men oppfattar dommaren det som filming så skal eg ikkje henge meg meir opp i det, forklarer Espen Standal.
- Som eit tap
Han synest Hødd fekk dårleg betalt poengmessig mot Tromsdalen.
- Vi er sjølvsagt ikkje nøgde med 1-1 i dag. Det hadde vore annleis om Tromsdalen scora først og vi utlikna. Men sidan vi scora først og det blir 1-1 følest det som eit tap, seier Standal.
Som vart bytta ut kvarteret før slutt.
- Eg sat inne og såg slutten av kampen. Tromsdalen var nesten aldri over midten. Men slik er det. Vi måtte berre slå langt for å prøve å få sigersmålet, seier Espen Standal.
- Stor forskjell
- Tromsdalen nytta vel eigentleg den same oppskrifta i dag som Hødd brukte på slutten av HamKam-kampen?
- Ja, heime og borte er stor forskjell. Borte må ein berre vere kyniske og kapre dei poeng ein kan få, meiner Hødd-spissen.
Som uansett ikkje klagar over Hødds opning så langt med fire poeng på to kampar.
- Neida, det er litt skuffande no. Men vi får brette opp armane og slå Fredrikstad på måndag, varslar Espen Standal.