Hasundgot sin referent skriv at det ryktast at Moltustranda lét vere å klippe graset før kampen mot Hasundgot for å halde tempoet i kampen nede. Men det lukkast heimelaget i så tilfelle ikkje spesielt godt med.
Første målet for Hasundgot var det venstrekant Joakim Skarbø som stod for, då han banka til ballen slik han gjekk i mål heilt nede ved stolperota. Cato Veien og Ruben Muren scora så kvar sine mål, og det stod solide 3-0. Men det skulle bli fleire nettkjenningar for Hasundgot før pausesignalet kom på Munkvoll stadion. Joakim Skarbø sende i veg nok eit knallhardt skot og la på til 4-0. Sebastian Moldskred Kleven gjekk så solo, og banka inn 5-0 like før pause.
Fleire mål i andre omgang
Martin Gjerde, ein av innbytarane for dagen for Hasundgot, kom på bana i pausa, og var ikkje sein med å putte eit mål han også. Så scora Nicolai Haddal Molvær, før Martin Gjerde nok ein gong sette ballen i mål. Det enda med ein solid 8-0 siger for Hasundgot.
Lars Breivik sine menn kunne med det også sikre seg sin første kamp utan baklengsmål i år. Keeper Joakim Rødven var solid mellom stengene, på dei få forsøka Moltustranda kom fram til.
Neste veke ventar Sæbø i Hasundgot sin siste kamp før fotballferien.
Kampfakta
6.-divisjon, avd. 2
Moltustranda – Hasundgot 0-8 (0-5)
Munkvoll stadion
Dommar: Magne Jonny Krumsvik, Hødd
Mål: Joakim Skarbø (2), Cato Veien, Ruben Muren, Nicolai H. Molvær, Martin Gjerde (2)
Laget (4-5-1): Joakim Rødven – Arve Vestnes, Simon Spjutøy, Thomas Gjerde, Marius Muren – Sebastian M. Kleven, Nicolai H. Molvær, Mats Bigset, Ruben Muren, Joakim Skarbø – Cato Veien
Innbytarar: Sander Gjerde, Martin Gjerde, Svein Eirik S. Ertesvåg, Marius Vartdal