Det vart ein bra start på konkurranseåret for Karsten Warholm. Heime i Ulsteinhallen sette han norsk innandørsrekord på 400 meter med 45,88. Tida er også den beste i Europa så langt i år, og det er tredje beste tida i verda i 2018.
Prestasjonen under Dimna Games var så god at det Europeiske Friidrettsforbundet har nominert Warholm som ein av fem mannlege utøvarar som kjempar om prisen som månadens utøvar for januar.
Nominerte til månadens mannlege utøvar i Europa:
Renaud Lavillenie (Frankrike) - stavsprang
Danil Lysenko (Russland) - høgde
Tomas Stanek (Tsjekkia) - kule
Petr Svoboda (Tsjekkia) - 60 meter hekk
Karsten Warholm (Norge) - 400 meter
Vinnaren blir kåra gjennom ei avstemming på det Europeiske Friidrettsforbundet sine facebooksider.