- Saka har fått mykje merksemd, akkurat som i 2014, då eg foreslo å legge ned tilbodet, sa rådmann Einar Vik Arset til kommunestyret i Ulstein torsdag.

Han foreslo at det skal fremjast ei eiga sak om endringane i Snoezelen-tilbodet. Saka skal innom levekårsutvalet og formannskapet, før endeleg avgjerd i kommunestyret.

- Det er vanskeleg for oss å gje eit fullt bilde gjennom ei orientering og eit notat. Så med den merksemda saka har fått, bør det gjerast eit enkeltvedtak, sa rådmannen.

Marianne Breivik, Arbeidarpartiet, var fornøgd med dette:

- No er vi veldig fornøgde med at rådmannen faktisk vil legge fram ei sak på det. Saka skal politisk behandlast først, så endeleg skjer dette i rett rekkefølgje. Sånn sett har administrasjonen no teke poenget vårt, seier ho.